Fel athrawon o’r ysgol gwnawn ein gorau i:

· wireddu amcanion yr ysgol

· ofalu am ddiogelwch a hapusrwydd eich plentyn mewn awyrgylch gydnaws Gymreig a Chymraeg

· gyrraedd safonau uchel trwy waith dosbarth a gwaith cartref a chyrraedd safon uchel mewn ymddygiad

· ddarparu cwricwlwm cytbwys i gyfarfod ag anghenion eich plentyn

· ddatblygu talentau a gallu eich plentyn cyn belled â phosibl

· roi gwybodaeth am gynnydd eich plentyn ynghyd â materion cyffredinol trwy gyfarfodydd rhieni, cylchlythyron ac

  adroddiadau

· ymdrin yn sensitif gyda phryderon neu gwynion

· baratoi eich plentyn i adael yr ysgol yn gymwys a hyderus i barhau â’i (h)addysg yn y sector uwchradd

Fel rhiant/gwarcheidwad, gwnaf fy ngorau i:

· sicrhau bod fy mhlentyn yn mynychu’r ysgol yn rheolaidd a phrydlon gyda’r cyfarpar angenrheidiol ac yn gwisgo’r dillad 

  priodol

· hysbysu’r ysgol yn syth am unrhyw absenoldeb anorfod

· gefnogi awdurdod, disgyblaeth ac ethos Gymreig yr ysgol

· gymryd diddordeb gweithredol a chefnogol yng ngwaith a chynnydd fy mhlentyn gan gynnwys gwaith cartref

· fynychu Cyfarfodydd Rhieni a thrafodaethau eraill yn ymwneud â chynnydd fy mhlentyn

· annog fy mhlentyn i fanteisio ar gyfleoedd a gynigir

· roi gwybod i’r ysgol am unrhyw broblem a all effeithio ar ymddygiad a gwaith fy mhlentyn

· ddod i wybod am fywyd fy mhlentyn yn yr ysgol

                                    Fel disgybl o’r ysgol, gwnaf fy ngorau i:

· fod yn bresennol yn rheolaidd a phrydlon

· ymddwyn â pharch, bod yn gwrtais a chymwynasgar tuag at ddisgyblion eraill ac aelodau’r staff

· gadw traddodiadau Cymraeg a Chymreig yr ysgol bob amser

· ddod â chyfarpar a dillad angenrheidiol

· gwblhau fy holl waith dosbarth a gwaith cartref hyd eithaf fy ngallu

· gymryd mantais o’r cyfleoedd a gynigir

· ofalu am amgylchedd yr ysgol

· anelu i gyrraedd safon uchel o ymddygiad pan yn cynrychioli’r ysgol mewn gweithgareddau academaidd,

        crefyddol, diwylliadol a chorfforol